Диаспоралардың саясаттағы, экономикадағы және мәдениеттегі рөлі мен маңызы

Аңдатпа

Авторлар диаспоралардың саясатқа, экономикаға және мәдениетке әсерін зерттейді. Олар
«диаспора» терминінің пайда болуына толыққанды талдау жасап, халықтардың өз отандарынан қоныс
аударуымен және көшіп-қону себептерін көрсетеді. Нақты тарихи мысалдар келтіреді. Диаспоралар
мемлекеттік институттарға ықпал ету арқылы ұлттық, өңірлік және жаһандық деңгейдегі ішкі және сыртқы саяси және экономикалық процестерге ықпал жасай алады. Диаспоралардың үлкен зияткерлік
әлеует екенінде ескеру қажет. Нәтижесінде, диаспораның өз мемлекетіне де, қабылдаушы мемлекетке де
өз қызметімен пайдасын тигізетінін көруге болады.
Осылайша, диаспора-бұл елдің байырғы тұрғындарымен салыстырғанда шағын этникалық топ. Диаспора өз елінен тыс жерде тұратын этносты біріктіруге және оларға көмек көрсетуге, қолдау көрсетуге
ықпал етеді.
Бүгінгі таңда жаһандану, экономикалық дағдарыс және пандемия процестері аясында сарапшылар
диаспоралардың өсіп келе жатқан рөлін және олардың саясатқа, экономикаға, көші-қон жағдайына, мәдениетіне әсерін атап өтті. Сонымен қатар, зерттеушілер көрші мемлекеттердің әкімшілік аумақтарында
тұратын «бөлінген» ұлттық топтар деп аталатын «ирреденттің» маңызды рөлін атап өтеді және ажыратады. Бұған дейін өз жерінде өмір сүрген, ал қазір Қытай, Өзбекстан, Қырғызстан сияқты көршілес елдерде, Ресейдің Астрахань, Самара, Саратов, Орынбор, Омбы және т. б. шекаралас аймақтарында тұратын
қазақ «ирридтері» жарқын мысал бола алады