Қазіргі кезеңдегі Қазақстанның мәдени саясаты
Қаралымдар: 63 / PDF жүктеулері: 155
Кілт сөздер:
тұжырымдама, Қазақстанның мәдени саясаты, мәдениет, Мәдени мұра, мәдени әлеует, әлеуметтік мәдени орта.Аңдатпа
Мақала қазіргі кезеңдегі Қазақстан Республикасының мәдени саясатын қалыптастыруға арналған. Тұжырымдамада белгіленген мәдени саясат қағидаттары
– ұлттық мәдени мұраның басымдығы, мәдениетті өсу және әлеуметтік даму факторы ретінде тану, мәдени әртүрлілікті құрметтеу, дамудың стратегиялық бағытына тұтастық пен тұрақтылық беретін саланы дамытудың бірыңғай платформасы –
шығармашылық және мәдени өзін-өзі таныту бостандығы анықталды.
Жалпыұлттық ауқымдағы ең маңызды басымдыққа ұлттың мәдени коды және оның
құрамдас бөліктері – мұра, дәстүрлер, әдет-ғұрыптар, тіл, отбасы, шаруашылық жүйелер және мерекелер ерекшеленіп алынады.
Тұжырымдамада қазақстандық мәдениеттің жаһандық мәдени диалогқа белсенді қатысуының маңызды шарты – дәстүрлі құндылықтарды қолдау, ұлттық бірегейлікті айқындайтын адамгершілік бағдарларды қалыптастыру мен дамыту айқын көрсетіледі.
Тәуелсіздік жылдарында елімізде ҚР Президентінің жарлықтарында, Үкімет қаулыларында тұжырымдалған дербес мәдени саясат жүргізілді. Нәтижесінде авторлар ХХІ ғасырда жеке және қоғамдық деңгейде қолданылатын ұлттық сана-сезімді жаңғыртудың
негізгі бағыттары – бәсекеге қабілеттілік, прагматизм, ұлттық бірегейлікті сақтау,
білімге табыну, эволюциялық даму және сананың ашықтығы болып табылады деген қорытындыға келді.
Заманауи әлем қарқынды дамып, өзгеріп жатқан сайын қазір бұл тұжырым қоғамдық
сананың жаңғыруы үшін айрықша маңызды деген қорытынды шығады. Қазіргі кездегі Қазақстан Республикасында тұратын халықтардың мәдениеті мен дәстүрін зерттеу ең
өзекті мәселе. Әсіресе, мәдениет саласында мемлекеттік саясатты қалыптастырудың
маңызы өте зор.
