Жаһандық экономикалық дағдарыс жағдайындағы «орта державалар» саясаты дамуының негізгі трендтері (Оңтүстік Кавказ бен Орталық Азия мысалы негізінде)

Аңдатпа

Мақалада 2019 жылғы пандемия дағдарысының салдарынан, сондай-ақ Украина мен Таяу Шығыстағы қақтығыстардан туындаған қарқынды өзгермелі жаһандық ортадағы әлемдік саясат пен экономика дамуының жаңа трендтері, олардың кейбір аймақтарға, соның ішінде Оңтүстік Кавказ бен Орталық Азияға тигізетін әсері талданады. Халықаралық экономикалық қатынастардың тұтас жүйесінің поляризациялануы жаһандық ынтымақтастықтың жаңартылған үлгілерін іздеуді жеделдетті. Жаһандық дағдарыс әртүрлі тәуекелдермен қатар, халықаралық қызметтің жаңа мүмкіндіктеріне, тәсілдер мен модельдерге жол ашты. Осы орайда, стратегиялық маңызды Батыс және Шығыс нарықтарын байланыстыратын «көлік дәлізі» сияқты өңірішілік экономикалық жобаларды дамытуға негізделген «Орта держава елдерінің», әсіресе «Орта державалық транзиттік елдердің» жаңартылған рөлі мен артқан маңызын талдауға талпыныс жасалды. Мақаланың аталған тақырыбын одан әрі академиялық және практикалық тұрғыдан зерттеу аясында бірқатар қорытынды ұсыныстар берілген.

Сонымен қатар зерттеуде Грузия мен Қазақстанның Еуропа мен Азия экономикалары арасындағы терең интеграцияны нығайта отырып, осы жаңадан қалыптасып жатқан «Орта көлік дәлізіндегі» негізгі тораптар ретіндегі рөліне баса назар аударылады. Түптеп келгенде, бұл геосаяси өзгерістер Еуразия құрлығында ұзақ мерзімді тұрақтылық пен тұрақты экономикалық өсуді қамтамасыз ету үшін ұжымдық стратегиялық тәсілді қажет ететіні негізделген.