Қазақстан мен Украинаның жергілікті мемлекеттік басқару жүйелерін, жергілікті өзін-өзі басқаруды және билігінің аумақтық ұйымын салыстырмалы талдау

Аңдатпа

Мақалада Украина мен Қазақстан Республикасының жергілікті мемлекеттік басқару және жергілікті өзін-өзі басқару жүйелеріне салыстыру жүргізілген. 2014 жылдан бастап Украинада жергілікті өзін-өзі басқару реформасы мен биліктің аумақтық ұйымының қалыптасуы мен дамуына шолу жасалды. Екі елдің жергілікті мемлекеттік басқаруы мен жергілікті өзін-өзі басқаруының құқықтық жағдайын айқындау мақсатында екі мемлекеттің нормативтік-құқықтық актілеріне контент-талдау жүргізіледі. Жергілікті мемлекеттік басқару мен өзін-өзі басқарудың негізгі элементтері төрт өлшем бойынша салыстырылады: әкімшілік-аумақтық құрылым, жергілікті билік органдарының мәртебесі, жергілікті билік органдарының өкілеттіктерінің көлемі, жергілікті деңгейдегі бюджеттік жүйе. Екі ел жүйелерінің ұқсастықтары мен айырмашылықтары анықталады, 3 (базалық) деңгейдегі халық саны ұқсас екі әкімшілік-аумақтық бірлік бюджетінің кіріс бөлігін салыстыру жүргізіледі. Жергілікті басқару мен өзін-өзі басқарудың бір жүйесінің екіншісіне қарағанда негізгі артықшылықтары анықталады. Қазақстанның жергілікті мемлекеттік басқару және өзін-өзі басқару жүйесін одан әрі дамыту бойынша ұсыныстар тұжырымдалған.