Саяси спектрдегіҚазақстанРеспубликасының партиялары

Аңдатпа

Бұл мақалада психолог Ханс Айзенк жасаған графикалық саяси спектр түрінде көрсетілген қазақстандық саяси партиялардың негізгі идеологиялық ұстанымдары анықталған. Саяси спектрдің
тұжырымдамасы берілген, қазіргі кезде қолданылатын саяси спектрдің негізгі түрлері, сондай-ақ, олардың авторлары анықталған. Айзенктің графикалық саяси спектрін саяси идеологияларды геометриялық
модельдер түрінде орналастырудың ең ұтымды әдісі ретінде пайдалану қажеттілігі негізделген. Қазақстан Республикасы саяси партияларының бағдарламалық құжаттарына талдау жүргізілді және оларды одан әрі спектрде бөлу үшін олардың идеологиялық тиесілілігі туралы ақпарат алынды. Партиялар
ресми бекітілген саяси бағдарламаларда көрсетілгендей, өздерінің идеологиялық нұсқауларына сәйкес
саяси спектр бойынша бөлінеді. Партияларды бөлу екі дихотомияның көмегімен жүзеге асырылды: солшыл-оңшылжәне авторитаризм-демократия.