Аналар Қазақстандағы мемлекет құрушы агент ретінде: неолиберализмнің әсері

Аңдатпа

Халқының үштен бірін балалар құрайтын Қазақстан – қазір өмірлік бетбұрыс сәтіне қадам басқан жас мемлекет. Балалардың жоғары үлесі ел үшін өз қиындығымен бірге, күш-қуат және гүлдену мүмкіндігі болуы мүмкін және бұл балалардың дамуына әсер ететін көптеген субъектілердің өзара әрекеттестігіне байланысты. Қазақстанда отбасындағы гендерлік рөлдерді дәстүрлі қабылдау бала тәрбиесіндегі ана рөлінің теңгерімсіздігіне және артуына әкеліп соқты, сөйтіп оларды ұлттық код пен құндылықтарды жеткізудің негізгі және басты агентіне айналдырды. Сонымен қатар өмірдің барлық салаларын жаһандық неолиберализациялау аналарды балалардың тек адамгершілік тәрбиесіне ғана емес, сонымен бірге олардың болашақ өмірін қалыптастыратын стратегиялық маңызды шешімдердің көпшілігі үшін де жауапкершілікке әкелді. Ақырында, жаңа азаматтарды жасайтын да, айқындайтын да аналар.

Мақалада 3 жанұядағы аналардың 3 ұрпағының мемлекет құру үдерістеріндегі рөлі, балаларында қандай құндылықтарды дамыту қажет деп санайды, неолиберализм олардың балалар өміріне қатысуына қалай әсер етті және Қазақстандағы мемлекет құрылысына әлеуметтік таптың ықпалы барына назар аударылды. Нәтижелер көрсеткендей, ананың рөлін түсіну ұрпақтан-ұрпаққа өзгеріп отырады, ал қазір балаларды тәрбиелеу жеке мәселе болып саналады. Соңғы ұрпақтың аналары балалары туралы негізгі және жалғыз шешім қабылдаушы – кейде бұны тек күйеуімен бөліседі. Бұл қысқа мерзімде үкімет үшін тиімді болуы мүмкін, өйткені мұндай аналар мемлекеттен ешқандай қолдау күтпейді, бірақ ұзақ мерзімді болашақта олардың балаларының өз еліне деген сезімнің төмендеуіне әкелуі мүмкін.