Орталық Азия елдеріндегі білім беру үдерісіне интернационалдандыру құралдарын енгізу: Жапондық халықаралық ынтымақтастық агенттігінің мысалында (JICA)

Аңдатпа

Бұл мақалада Жапония Халықаралық ынтымақтастық агенттігінің JICA (Japan International Cooperation Agency, бұдан әрі – агенттік) бағдарламасы бойынша Орталық Азия елдерінде (Қазақстан, Өзбекстан, Қырғызстан, Тәжікстан) білім беру процесіне интернационалдандыру құралдарын енгізу мәселесі талданған. Мақалада агенттіктің тәжірибесін қарастыру, сондай-ақ халықаралық ынтымақтастық бағдарламасына қатысатын Орталық Азия үшін ашылатын перспективаларды айқындау мақсаты қойылды. Агенттік зерттеу нысаны болып табылады. Зерттеу барысында агенттік материалдары қолданылды.

Мақаланың өзектілігі интернационалдандыруды енгізудің негізгі құралдарын, атап айтқанда агенттікті зерттеу болып табылады, оның рөлі студенттермен алмасу бағдарламаларын, оның ішінде мемлекеттік құрылымдар өкілдерін, зерттеу орталықтары мен еріктілер қозғалыстарын дамытуды жүзеге асыру болып табылады. Интернационалдандыру саясатын енгізу перспективаларының қатарында оқытудың халықаралық стандарттарын енгізу, мамандардың біліктілігі, сапалы кәсіби даярлық алу мүмкіндігі бар.

Зерттеу нәтижесінде жапон мәдени және білім беру саясатын Орталық Азия елдері агенттік арқылы ұзақ мерзімді негізде орнықтырады деген қорытындыға келді. Агенттік білім беру бағдарламаларын (курстарын) қаржыландыру, ұйымдастыру және өткізу арқылы әртүрлі салаларда жоғары білікті кадрларды даярлау үшін адами ресурстарды дамытуға көмек көрсетуді жалғастыруға ниетті. Дамушы елдерде білім беруді одан әрі интернационалдандыру білім беру процесінің тиімділігін арттырудың негізгі объектісіне айналады. Жапондық агенттіктің интернационалдандыру құралын енгізу тәжірибесі бәсекеге қабілеттілікке және кадрлардың біліктілігін арттыруға оң әсер етеді. Бұдан басқа, өзге елдердің интернационалдандыру саясатындағы проблемалық аймақтарды талдау және анықтау Қазақстан Республикасында білім беру саласында сапалы құралдарды енгізуге көмектеседі.