Су қауіпсіздігін тарихи перспективалар мен қазіргі қауіп-қатерлер тұрғысынан кешенді талдау

Аңдатпа

Су – адам өмірі үшін де, экономика үшін де маңызды ресурс және оны пайдалану
мен басқару қауіпсіздіктің маңызды мәселесі. Су ресурстарының тапшылығы экономикаға,
экологияға және халықтың денсаулығына теріс әсер етеді, бұл өнімділіктің төмендеуіне, азық-түлік
құнының өсуіне, өмір сүру деңгейінің төмендеуіне және мемлекеттер арасындағы қақтығыстар
қаупінің жоғарылауына әкеледі. Су қауіпсіздігі біздің заманымыздағы қақтығыстардың негізгі
себептерінің біріне айналды. Бұл мақалада «су қауіпсіздігі» терминіне тарихи шолу жасалады және
авторлар мен ұйымдар ұсынған су қауіпсіздігінің әртүрлі анықтамаларына салыстырмалы талдау
жасалады. Мақалада су қауіпсіздігі туралы жазған ғалымдардың теориялары қарастырылады
және бұл ластанудың алдын алу, таза ауыз суға қол жеткізуді қамтамасыз ету, су объектілерін
қорғау, суды басқару тетіктерін әзірлеу және суға байланысты қақтығыстардың алдын алу сияқты
су ресурстарының қауіпсіздігін қамтамасыз етудің әртүрлі аспектілерін қамтитын кешенді ұғым
деген қорытындыға келеді. Сонымен қатар, мақалада ұлттық қауіпсіздік шеңберіндегі су қауіпсіздігі
талданады және судың адам мен мемлекет үшін маңыздылығын көрсету үшін әртүрлі аймақтардан
мысалдар келтірілген.